張達明分享「復康四招」 感激周潤發重塑健康步伐 (18:51)

文章日期:2022年11月30日

張達明最近代言保健產品,他在拍攝廣告期間,憶述抗病經歷,更分享「復康四招」。張達明曾經歷7年的抗病之路後,成功戰勝病魔,但仍為他帶來不少「手尾」要跟進,幸好在復康路上,找到適合他的保健品:「做完治療之後會引起好多後遺症,例如變瘦、聽力差咗等等,特別係原本我手腳成日有麻痺感,但自從食咗雲芝後,啲肌肉開始有感覺,特別腳板底感覺最大,成個人精神咗。」

張達明坦言患病前飲食作息不規律,無論食量與酒量未有節制,現在康復後,第二招「控制飲食」是不可或缺的,他說:「𠵱家飲食清淡,唔會食咁多冷飯菜汁,以前我有咁多就食咁多,飲酒又飲好多,𠵱家唔會咁做。」

經歷人生巨變後,「戒甩」酒肉朋友,留下來的就是患難見真情的知心友。張達明感激周潤發與鮑起靜,令他「跑」出人生節奏,而他的第三招就是堅持運動:「最初係發哥帶我去跑步,佢好鼓勵我做多啲運動。鮑姐仲叻,年紀雖然大過我,但跑得比我快好多,速度同距離都勁好多。」

張達明表示即使近年受疫情影響,仍風雨不改清晨起牀練跑,他說:「以前會5點起身一大班人去好遠嘅地方跑,但疫情後難啲跟大隊跑,我會唔使咁早起身,6點左右揀近嘅地方跑,一直都有堅持,見到自己有少少運動成果,有另一番嘅成就感。」

同時張達明近年有找中醫調理身體,為的是盡快養好最佳狀態,繼續追逐他的編劇夢,他說:「我有個好大夢想,就係寫好劇本,寫多幾部好嘅作品,無論電影或舞台劇都好,將美麗世界分享畀觀眾。」

(即時娛樂)

 

相關字詞﹕張達明 周潤發 鮑起靜