郭嘉駿服裝品牌展覽神級嘉賓加持 Do姐:知佢咩料 (21:47)

文章日期:2022年12月08日

郭嘉駿(193)主理之品牌LILABOC首度在香港商場舉行展覽,近日他忙於拍劇又要準備今個月中舉行的ERROR演唱會,要特別抽時間往拍照,還邀請鄭裕玲(Do姐)為展覽會「加持」!

今日他在社交平台分享Do姐大駕光臨展覽場地The ONE的照片,寫道:「構思 Lilaboc 展覽嘅時候,已經諗如果可以請到 @do_do_cheng 大駕光臨做神級嘉賓 ,就真係知我咩料喇。於是我喺開幕前就抱住戰戰兢兢嘅心情打俾Do姐,Do姐竟然一口就答應,小弟真係非常之滾動。喺度再次感謝Do姐。」

Do姐亦上載跟193的合照,又為他打氣,寫道:「早排收到 @deniskwok193  嘅電話,得知佢個人品牌 @lilaboc.co 會舉行首個大型展覽,見佢咁比心機,一於嚟支持下。嚟到現場見到咁靚嘅場景,就真係知佢個品牌咩料,真係替佢高興,繼續加油!」 

展覽以193的招牌金句「知我咩料?!」點題,市集名為「今個聖誕知你咩料市集」,由品牌核心人物 「3仔」率領,新舊角色進駐8大打卡位,搞笑角色設定配合打卡情境,叫人會心微笑。期間限定店有獨家開賣品牌30款期間限定新季精品。

(即時娛樂)

相關字詞﹕郭嘉駿 鄭裕玲