仔仔一堂|張惠雅摸Juzco胸肌 情迷Carson:好白滑好高 (15:03)

文章日期:2022年12月13日

J2真人騷節目《仔仔一堂》 今晚(13日)播出一集最大亮點,是在長洲開設餐廳的張惠雅(Regen)亂入,並大讚仔仔質素高。

事緣10位仔仔去長洲Camping並按主理人王賢誌(Vinci) 要求分成五組,每組需於限定時間內完成指定任務,以便進一步了解拍檔。因各種原因「焗住」 與Howard一組的Juzco,期間到訪好友Regen餐廳,Juzco甫現身即遭Regen追問:「我頭先見到有兩個靚仔到不得了!」

Juzco聞言即嬲豬,Regen見狀急忙補鑊:「你哋都靚仔,但嗰兩個係Charm到Bomb一聲。好大隻、好白好滑、好高!邊度搵到返嚟㗎,咁靚仔嘅?」 她邊說邊測試Juzco胸肌,場面混亂又搞笑。

據知Regen所指的高質仔仔,是擁有187身高的花美男Carson,Carson在節目中人氣急升,變成搶手貨,今晚Carson除了令原本甚為投緣的兩大人氣仔仔Andrew及Louis關係起變化外,更會意外令 Juzco慘遭遺棄。

另一對歡喜冤家HoHo及Louis,則將會再度爆發罵戰。事緣有感自己對HoHo未夠友善的Louis,在 Camping「良心發現」主動示好,可惜HoHo毫不領情,大感無癮的Louis即晦氣謂:「嗱!我冇禮貌㗎喇。」HoHo亦不客氣反擊:「我都冇禮貌㗎,你做乜咁熱情吖?」 之後更句句窒住Louis ,火藥味濃。不過之後二人又忽然「和解」, Louis更伸出手板任由HoHo拍打!

(即時娛樂)

相關字詞﹕仔仔一堂 張惠雅