胡定欣及譚俊彥（Shaun）今天（13日）在「最強人氣品牌大獎頒獎典禮」，分別獲頒「最強人氣廣告男、女星」。
Shaun表示聖誕節陪小朋友到主題樂園玩，胡定欣聞言說：「真係好，有得家庭樂，我都想搵朋友到主題樂園玩，見到啲相煙花好靚，我聖誕節都同朋友約定過，唯有叫朋友唔覺意帶啲新朋友嚟認識吧！
胡定欣投訴「金牌媒人」林盛斌（Bob）幫手成年但未見成績，她說：「佢有介紹畀我，但已年尾，成績表仍係零分點算先？聖誕節畀個機會佢做啲嘢，都揀咗咁多年，大家都想見到我好，係咪先？現在已經去到無條件，行出嚟啱就啱㗎喇，希望有個快樂聖誕。」Shaun加以安慰：「梗係寧缺勿濫啦！」
