無綫劇《輕．功》昨晚（14日）播映一集，除了有鄭子誠2分鐘醉酒爆Seed鬧人戲勁搶鏡外，另一大焦點乃是劇中「顏值擔當」朱敏瀚（朱仔）除衫騷肌。
劇情講到翊風（朱敏瀚飾）因女友Chloe（簡淑兒飾）懷孕關係，決心努力搵錢，連「裸模」都撈埋，除了被一班女士眼甘甘𥄫到實畫畫外，連初戀女友Yuki（朱晨麗飾）發現翊風做裸模後，更對住全裸的朱仔，做出直豎拇指手勢，場面搞笑。
講到於該場口中剝得相當徹底，朱仔受訪時透露：「嗰場戲除咗着咗一條底褲，外面再加咗條肉色底褲，因為近呢幾年都習慣咗拍除衫戲，所以都冇話尷唔尷尬。」
朱仔表示對當時的身形不太滿意：「拍攝時係疫情最嚴重嗰時，所有健身室都閂晒，只可以喺屋企用僅餘嘅器材去操，雖然離我滿意嘅狀態都有啲距離，但For翊風呢個角色係足夠嘅，都見得人。」
相關新聞：輕‧功｜鄭子誠2分鐘Solo醉酒戲搶鏡 爆Seed鬧勻親朋好友
