2019年樂壇新人莊正簽約Sony Music後，等足6年才有機會推出首支個人單曲，惟同年11月涉社會運動被控暴動罪後，跟Sony Music解約轉做獨立歌手。案件明天（17 日）宣判，莊正如罪成將被還押。莊正日前（14日）參與《WHO? FEST》音樂節頭場演出時表示︰「儘管我保持樂觀心態去面對，但有機會不好彩...... 今天就是我的最後一場騷。」他同時宣布今年5月已和女友Sonia結婚，笑稱「人間的大惡魔已經被我收服了」。
莊正昨晚（15日）在社交平台分享5月時與Sonia註冊的照片，他說︰「終於可以post相，以前聖誕節會成日喺度同friend講笑，喺屋企擇名邊個online打機。雖然最近兩年好似聖誕正日都喺屋企（？），但身邊就多咗隻小惡魔Sonia，到咗今年喺5月就極速結婚。其實之後嘅嘢無論結果係點，我哋都有心理準備，雖然可能日子唔容易過，但同佢一齊我其實都幾有信心無論點都會過到。我知道大家都會好關心我嘅情況同佢嘅心情，但如果有咩事，希望大家盡量忍耐，唔好dm Sonia，因為咁樣可能會令佢壓力更加大。衷心希望大家都可以搵到自己嘅靈魂伴侶，從此世界都會不一樣。」
