由黎諾懿主持的飲食節目《大牌筵席》，今晚（19日）10點半播放最後一集。今晚一集，黎諾懿將到電影《分手說愛你》和《分手100次》取景地之一、開業逾65年的灣仔老字號茶檔朝聖，該店的奶茶曾獲CNN選為「香港四大奶茶」之一，黎諾懿歎過鎮店奶茶後也讚不絕口：「好香滑，佢啲茶真係好好飲。」
談到創辦茶檔的蘇氏家族，2年前決定結業，本來任職司機的茶客彭先生，為保留這個好友聚腳點、兼一圓年輕時開餐廳夢想，遂以7位數頂手繼續營運，因而遭老婆詐型。
黎諾懿說：「佢貿貿然接管一盤生意，仲要係一個退休人士，隨時會賭上自己身家，勇氣非常可嘉。」問到將來退休大計，自認懶惰的黎諾懿笑說：「我會瞓覺、瞓覺同去玩，我覺得退休仲做嘢好辛苦。」
丁子朗和游嘉欣訪問從事飲食業50年的大牌檔老闆清雲哥，探索清雲哥如何由慈雲山街邊車仔檔，輾轉來到觀塘工廠大廈開食店。
為了體驗清雲哥生活日常，丁子朗一早跟他落街市採購海鮮，再會合游嘉欣品嘗清雲哥招牌芝麻雞；游嘉欣大讚皮脆肉滑之餘，還指口感猶如煎堆夾雞肉！丁子朗則說：「大牌檔唔一定喺條街先有風味，只要個靈魂、煮嘢食個心態喺度，邊度都係好食嘅大牌檔。」
