近年進軍飲食界的梁靖琪（Toby），在農曆新年再有新搞作，繼中秋節推出減甜月餅後，再度聯乘已有75年歷史的香港點心老字號，推出特色賀年糕點。為突破傳統，他們研發麻辣口味蘿蔔糕，讓大家過一個火辣辣新年！
兩子之母的Toby將家庭放在首位，今次推出賀年糕點與她「辣妹家族」有關，做生意之餘也不忘「自肥」，她說：「因為我同老公都好鍾意食辣，基本上我全家都好鍾意，特別媽咪屋企人嗰邊，佢哋直頭可以食成隻辣椒。以前我媽咪最食得辣，𠵱家應該係輪到我喇！」。
身為家族新一代的辣妹掌門人，Toby更成功「辣着」原本不嗜辣的老公施雋賢（Jon），她說：「我老公以前唔食辣㗎，因為我嘅關係，佢𠵱家都食到BB辣。」
而這種辛辣基因早已遺傳給大仔Roman，Toby說：「有次喺家姐屋企打邊爐，佢唔小心放咗隻辣椒入口，當時真係癲咗。不過從此之後佢慢慢接受到，我成日叫佢唔好食辣，佢反而會話少少辣都OK，希望佢大個可以陪我一齊食麻辣打邊爐啦！」
