MIRROR成員邱士縉（Stanley）前晚（19日）捧ERROR演唱會尾場，昨晚（20日）他在Ig分享騷後感，Stanley有好大感觸和感動，他表示：「明明一開始佢哋跳緊啲好開心嘅歌架嘛，但係我係台下默默地感動。大概係見到佢哋係台上發緊光，我好開心。」
他表示雖然和ERROR身處不同組合，但他們同樣經歷很多事，更勾起《全民造星》不少回憶：「四年前一齊追夢，四年後慢慢實現夢想。正所謂家家有本難唸的經，當佢哋講曾經經歷嘅難關時，我又好有感觸。
經驗告訴我無人會幫到你，亦都唔應該期望別人幫你，你靠嘅只有係自己，自己嘅努力。 我相信呢個都係佢哋係台上發光發亮的原因。
佢哋提醒咗我，雖然戲劇係我生命，但我好掛住係台上表演嘅自己。 唔知下次會係幾時，但我會好好珍惜，好好裝備。」
