李𤨪琛（Sam）的4歲囡囡李元元（Lucy）是開心果，不過Lucy媽媽梁志瑩昨天（20日）在社交網貼相及貼短片，片中開心果李元元變了「爆喊Lucy」。
事緣Lucy要斷捨離，丟掉心愛的卡通公仔燈籠，Lucy媽媽在Instagram留言：「較早前執屋叫佢清理一下門戶。佢攞住呢個Hello Kitty燈籠走過嚟同我講：『媽媽呢個要掉㗎喇...佢漏氣啦...同埋呢佢已經冇咗聲啊（重點）...（聽見話冇聲老母即刻暗笑）跟住佢開始扁嘴，一路放落垃圾桶一路喊。老母見狀安慰佢叫佢不如唔好掉啦！（橫掂失咗聲其實可以留多一陣嘅）跟住佢話：唔得㗎喇佢真係要走㗎啦！ #嚴重似情侶講分手 #真係好傷感啊媽咪。」
不少網民留言安慰Lucy：「細細個就識斷捨離」﹑「唔好喊啦，中秋節再買一個有聲嘅」﹑「可以教佢多謝燈籠的陪伴及帶俾佢快樂」﹑「我唔敢想像掉咗佢個MC會點？」
