ViuTV原創劇《心靈師》由下星期一（26日）晚起，逢星期一至五晚上9時30分播出。劇集由李璨琛（Sam）、劉蘊晴、ERROR成員何啟華（阿Dee）、陳嘉倩、姜文杰、楊詩敏等主演，講述各種都市常見的精神病案例，從中合力解開患者心結的故事。
Sam在劇中演對精神病甚有研究的咖啡店老闆，並開解到店舖求助的患者。他表示這次角色甚有壓力：「今次係從影以來，對白最多嘅一次，因為要解釋每個病患心路歷程，啲對白閒閒哋都一頁紙，係個大挑戰。」兼任劇集監製之一的Sam，享受幕後工作：「成個過程由零到全情投入，係一件好充實嘅事，有機會嘅話，都會繼續參與幕後工作。」
首次拍電視劇的劉蘊晴（Rachel）坦言，十分緊張和好玩。她表示除了和Sam合作過足戲癮之外，跟阿Dee對戲亦十分爽：「因為Dee喪㗎，每次同佢拍戲都好好笑。」Sam亦大讚Rachel表現超出預期：「新人嚟計嘅話，如果滿分係6分，佢嘅表現都7分以上。」受稱讚的Rachel謙稱自己仍有很多進步空間。
