有種好男人|張國強拍親密戲易踩界 感激太太及拍檔信任 (17:20)

文章日期:2022年12月28日

 

無綫劇《有種好男人》上回講到游子澄Charlie(李佳芯Ali飾)現身慈善拍賣會,乘機接近城中富豪蔣定天(張國強飾)。

昨(27日)晚一集,講述蔣定天收到來自名畫家遺孀龐辛思媛(王綺琴飾)的恐嚇信,目的是報「被騙走家傳名畫」之仇,與此同時,龐辛思媛世姪女Charlie為替其出頭,答允陪蔣定天出海。對Charlie有不軌企圖的蔣定天,期間頻頻露出急色樣,更明言:「不如禮尚往來,等我一層一層剝開你?」此時幸「進擊的」售貨員區嘉妮Jennifer(葉蒨文Sophie飾)傳來「女僕Look」自拍照,成功引走蔣定天。

剛於《超能使者》扮演正氣角色的張國強,今次搖身一變背妻偷食的「咸濕富豪」,他受訪時說:「拍呢類戲好多時都幾踩界,好彩啲對手都信任我,大家知道點樣達到效果。」

他表示最難忘跟Ali漫步沙灘戲,皆因拍攝當日氣溫急降又大風,加上劇情所需要赤腳,令2人凍到震,說:「嗰日我準備咗薑茶同Ali分享,點知佢又有,所以佢係一個幾窩心好拍檔。」與太太結婚34年的KK出名「愛妻號」,雖然過去不止一次與女拍檔有親密演出,但入行多年的他,仍能保持零緋聞,他說:「多謝太太多年信任。」

昨晚另一焦點,是金牌人生教練岑曉婷Erica(莊鍶敏飾),大搞自我增值課程,名義上教授全方位造型及禮儀,但一班女學生實質只為博取「釣金龜」機會,學生之一的Jennifer便成功搭上蔣定天。

問到Jennifer現實中可會像劇中角色恨嫁入豪門,Sophie透露無論於英國留學期間,抑或現時身邊都不乏富二代及有米男士,但她認為品格更重要,並謂自己揀另一半,著重性格夾不夾,最喜歡風趣幽默的暖男,Sophie並以「著鞋論」比喻愛情:「有錢係Bonus,但首先要快樂,為錢勉強自己唔會快樂。我覺得揀伴侶同揀鞋一樣,適合舒服係最好,好似我屋企最貴嗰對高踭鞋我好少攞出嚟著,我都係最鍾意著波鞋。」

(即時娛樂)