馮允謙新碟紀錄愛和失去 拍攝唱片封面搞到情緒低落 (18:44)

文章日期:2022年12月28日

「唱作王子」馮允謙(Jay Fung)全新專輯《LOVE & LOSS》今日(28日)面世。Jay Fung今年多首派台歌,都有不俗成績,由情人節冧到暈的《報復式浪漫》、受疫情影響困在屋企悶到發惡夢的《Freakin' Nightmare》、摯親離世無法出席演唱會有感而法寫的《給缺席的人唱首歌》和送給受情傷的朋友《Take A Breath》等,先後登上流行榜冠軍位置。當中《報復式浪漫》更獲得5個台流行榜No.1,為Jay Fung帶來首個大滿貫紀錄。早前派台的新歌《Me And The Moon》充滿節日中單身寂寞感,廣受歡迎。

Jay Fung說:「今次新碟主題係『LOVE』同埋『LOSS』,即係『愛』與『失去』,點解會有呢個主題?2021年嘅時候,我感到屋企人、朋友,Fans都畀咗好多愛我,開始造新碟時,寫好嘅歌關於『愛』,旋律比較輕快和開心。」接着創作了甜蜜情歌《報復式浪漫》,之後Jay Fung創作亦隨著經歷和感受,他說:「大約今年3月時感到好忙,好多事情發生,無得放假,寫咗一首《Freakin' Nightmare》。7月舉行咗我首個個人演唱會,好可惜嫲嫲嚟唔到,我寫咗首歌《給缺席的人唱首歌》送畀嫲嫲。今次專輯除咗愛情歌,仲有啲歌寫失去和遺憾,紀錄我嘅成長階段,影嘅相亦都比較成熟。」

去年Jay Fung唱片配合吸血鬼三步曲,以紅黑色為主調,充滿電影感。今次全新專輯《LOVE & LOSS》走成熟風格,以沉實色調。唱片封面Jay Fung頸後有紋身,手臂和臉上有傷疤特技化妝,像真度極高,他笑說:「大家唔使驚,唔使心痛,係特技化妝,好似呀!」

為配合拍攝概念,Jay Fung情緒低落了大半天,拍攝期間還眼紅紅。他說:「LOSS部分設計師和攝影師想用傷和痛去表達,除咗以紋身和傷疤化妝加強感覺,仲影好多感覺好沉重嘅相,拍完成個人情緒down咗好耐,不過呢次經歷好特別,有少少辛苦,但出嚟啲相我好滿意,同平時嘅我好唔同,畀大家見到我另一面。」

(即時娛樂)