近年不少港人移居海外，鄧麗欣（Stephy）日前到機場送機，與從小就一起長大的好友道別時喊到眼腫。
她說︰「『誰離開，誰連戲，誰人必須執行李。』呢首歌今日一直喺我腦海旋轉。認識你的時候中一，那時候我住12樓，你住6樓，記得每天我都會搭lift落嚟6樓等你一齊行返學，有時你會呃我，你話你出得門口，但係我落到嚟仲見到你刷緊牙，唔緊要啦，我唔嬲。過幾年後你搬去一個同我相隔幾個輕鐵站嘅地方，當時我已經好唔捨得，沒想到25年後嘅今日，你要搬去一個離我有九千幾公里遠嘅地方，呢個心情，真係好難用言語去形容。這一刻的離別代表下一刻的相聚，相信距離並不會阻隔我們之間的愛，因為我們都珍惜彼此。祝福你有一個美好的新開始，我哋好快會再見面，愛你喲趙bigbig﹗4406是不會變，哭腫了眼的我們，以後五缺一，好快再見，最後一塊。」
