女團COLLAR在奪得「叱咤樂壇生力軍組合」金獎後到後台受訪，惟成員阿Day（許軼）因身體不適先行離開。隊長沈貞巧（Gao）坦言再次齊人演出，心情激動，沒想過自己會喊。阿Gao說︰「現場氣氛同聽到大家嘅支持，見到好多人鼓掌，好感動﹗」邱彥筒（Marf）表示︰「今次係我哋第一次唔戴耳機去表演，所以係一個好重大嘅體驗，同埋我哋可以好仔細聽到每一位觀眾嘅聲音。（最大感動係終於齊人？）係，新一年，我哋決定要繼續努力，將之前嘅沉澱同所有嘅練習拎番晒出嚟。」芯駖表示COLLAR會全面復工，未來會有很多計劃，包括出道一周年活動，亦將會推出新歌，感謝大家的支持及一直等待。她忍不住落淚，稱因COLLAR再次齊人而非常感動。
