陳奕迅（Eason）日前宣布紅館演唱會加開10及11日兩場，門票明早（5日）10時公開發售。Eason前晚在第19場演唱會上聽見有觀眾多謝他加場時說︰「其實都險險哋，所以你哋唔好仲要我唱夜啲，係唔係想我瘦到剩番90磅？我係唔會唱夜啲﹗」他昨晚笑言完成27場紅館騷後會開始巡迴︰「不如由紅磡巡去元朗，再巡去荃灣大會堂、北角新光，又再轉番去葵青囉﹗哈哈哈，有得做梗係做，仲可以去美加、澳紐、台灣、馬來西亞，新加坡。不過，依家真係唔知世界變成點。我冇所謂，做細啲囉，我能屈能伸，總之疫情快啲走，依家咁多變種，聽講話好勁，大家都小心啲，我更要小心喇﹗」Eason問台下觀眾可曾染疫，不少人也舉手。
