向海嵐孖黃嘉雯周奕瑋主持《超級毛特兒大賽》 (22:25)

文章日期:2023年01月04日

J2推出全新類別真人騷,並集合行天橋﹑問答環節﹑才藝表演及水著競技等,但參與主角不是人類,而是毛孩界代表:狗狗。堪稱香港電視史上首個選美真狗show、被視為狗狗版《全美超級模特兒新秀大賽》的《超級毛特兒大賽》,所有參賽狗狗與主人共同經歷最獨特、最Bling Bling兼最嘈吵的選拔賽,主人與狗狗將接受不同類別Model級考驗,爭奪史無前例首個「超級毛特兒」殊榮。

製作組還請來寵物界星級團隊,包括馴犬師、攝影師、美容師、服裝造型、Doga(狗瑜伽)及營養師等,全方位釋放參賽狗狗的潛藏星味;主持陣容方面亦是愛狗之人,包括J2er黃嘉雯(Carmaney)、周奕瑋Jarvis,以及1998年港姐冠軍向海嵐。

向海嵐首度登陸J2擔任主持,更是她第一個真「人」騷節目主持工作,問到是什麼吸引她大膽新嘗試時,她笑謂:「之前港姐都有拍過類似真人騷嘅節目,但係嗰次唔係做主持,但我全程都做得好投入,係好難忘拍攝經驗。今次知道J2會搞個咁特別嘅真狗騷,講真自己都心郁郁想參加,不過後來尾製作組話,之所以邀請我做主持,係因為希望我喺選美比賽經驗,可以令呢個節目出現更好睇嘅火花,仲話個節目好多選美元素,好啱我,所以我就一口應承咗喇。」

向海嵐曾養過松鼠狗,亦當過貓奴,近年則養了一隻名為Chloe的貴婦狗。由於向海嵐每天跟Chloe一起生活,令愛犬變得黐身,向海嵐稍為轉身便會狂吠,更會爭寵兼呷乾醋,足證向海嵐平時是何等寵愛狗狗。

(即時娛樂)