吳偉豪、郭柏妍在今晚舉行的《萬千星輝頒獎典禮2022》獲頒「飛躍進步男、女藝員」。兩人在後台受訪時，吳偉豪說︰「真係冇估到有獎，依家都好似發緊夢咁，我唔知應該要有啲乜嘢感覺，總之最緊要係多謝屋企人先。 （爸爸喺台下見證更加有意義？）冇錯，其實爸爸、媽媽、細佬都喺度，我好開心佢哋都喺度。（點樣慶祝？）都係返屋企畀阿爸阿媽睇吓個獎、摸吓個獎先。我屋企人好需要有成績畀佢哋睇吓，我依家都算有啲成績畀佢哋睇，都好開心。」
郭柏妍坦言上台領獎時，腦海一片空白，忘記了多謝很多人，包括《下流上車族》的林敏驄，江美儀、鮑起靜及監製等。被問到會否唱歌慶祝？她笑言︰「我驚唱歌，大家會走晒，一陣間會震撼電視城，要練習吓先。好多謝屋企人，我爸爸成日都車我，我會好好咁學車；我媽咪成日都煲湯畀我，我會學吓煲湯畀佢飲。」
