江美儀憑《下流上車族》，在今晚舉行的無綫《萬千星輝頒獎典禮2022》上首奪「最佳女主角」，成為出爐視后﹗黃日華、苗僑偉宣讀賽果時，江美儀已激動落淚。苗僑偉笑指江美儀應首先多謝他，因兩人合作拍劇多次也沒有獎，他給了江美儀很多失敗經驗，今次江美儀一與林敏驄合作即成為視后。江美儀說︰「我冇諗過會攞到獎，首先我要多謝TVB頒呢個獎畀我，我以為自己唔係親生女，唔會攞到呢個獎﹗陳煒，我哋好爭氣啊﹗多謝《東張西望》，原來我同《東張西望》講想爸媽來，就有4張飛畀我﹗上次我攞『最佳女配角』，佢哋冇嚟到，我覺得好遺憾。今次佢哋見證我攞『最佳女主角』，多謝晒﹗多謝晒所有投票嘅人，最緊要多謝我經理人，咁多年嚟，我唔係搵到好多錢，唔知點解佢又唔掉我走，一直都幫我，仲有多謝對我不離不棄嘅粉絲、髮型師、化妝師，總之多謝晒你哋﹗」
