台慶頒獎禮2022|陳山聰用行動報答支持者 江美儀感激林敏驄成就她得獎 (00:46)

文章日期:2023年01月09日
台慶頒獎禮2022|陳山聰用行動報答支持者 江美儀感激林敏驄成就她得獎(拍攝:劉永銳、剪接:葉靜文)

無綫《萬千星輝頒獎典禮2022》圓滿結束,各獎項塵埃落定,陳山聰、江美儀分別憑《金宵大廈2》及《下流上車族》成為出爐視帝視后。

兩人頒獎禮後到後台受訪。山聰坦言以為是林敏驄得獎,因此上台領獎時,腦海一片空白,心情緊張,來不及反應。他說︰「係呢10年嚟,每一位幫助過我嘅朋友、監製、所有之前畀好多信心我嘅人,呢一個獎,我覺得係話畀佢哋聽,幫我係幫得啱同正確。正如我台上所講,我係步向成功,仲未成功,仍需努力,今後一定要拍更多更好嘅劇集,演得更加好,報答每一位支持我嘅人﹗」

山聰表示太太Apple要陪伴兒子,因此在家中看直播。他說︰「我要多謝佢(Apple),多謝佢畀咗一個咁幸福嘅家庭我,等我可以無後顧之憂,努力拼搏﹗(攞埋『最佳衣著獎』係咪可以繼續買衫?)唔使啦,攞咗呢兩個大獎,以後要慳慳哋,好好哋栽培我個仔。我好感恩,希望日後可以用呢個獎去話畀自己聽,要更加努力﹗」

江美儀坦言沒想過會得獎,一心以為不是鮑起靜就是陳煒,不會有自己份,始終陳煒是無綫「親生女」。談到被林敏驄取笑是「烏雞」,她笑言不會嬲。被問到會否為林敏驄失落視帝而遺憾,江美儀說︰「佢好似話唔要呢個獎嘛﹗我都要多謝佢,如果唔係《下流上車族》搵到佢演,就唔係呢個效果。佢成就咗呢件事﹗我都要多謝劇中其他演員成就我攞呢個『最佳女主角』,唔係一個人功勞,我都要多謝佢哋﹗」至於會否原班人馬開新劇,江美儀稱未知道。

(即時娛樂)