身在英國倫敦的黃偉文（Wyman），繼續在當地「接客」見朋友，Wyman在社交網貼出和陳鍵鋒合照，久未露面的陳鍵鋒留了「二撇雞」，塊面紅卜卜，似乎喝了不少美酒，Wyman和陳鍵鋒多年前已在電台認識，他寫道：「可能你未必知道我同『阿苗』（陳鍵鋒）其實係熟嘅（睇款式我哋好似大纜都扯唔埋咁呀呵？）早於好多年前（我估佢寜願我唔好講實數）喺電台已經認識。將Sammuel變成『阿苗』都係我做嘅。」
Wyman又大爆今次這個Trip，阿苗有少少「S先生連環不幸事件」，他寫道：「好多嘢棘吓棘吓（留言鼓勵吓佢啦），本來為佢安排好平安夜同除夕Party ，佢last minute都出席唔到（故仔等當事人自己決定share唔share），幸好都爭取到機會見咗幾次，都開心。 #YY倫敦接客日記 #陳鍵鋒 #呢張相珍貴㗎 #佢近年咁少幕前演出 #又冇乜點上ig」。
