張致恒（Steven）與太太區燕雯（雯雯）結婚3年多，Steven近年負面新聞不斷，經濟出現問題被追債，雯雯多次在社交網放負嚷離婚，關係時好時差，網民對2人婚變消息習以為常。雯雯去年12月曾在Instagram限時動態放負，稱忍受到了極限，又說和Steven「溝通唔到、容忍唔到」，惹來離婚傳聞，惟之後2人又被指已重修舊好。
言猶在耳，雯雯昨天（9日）又在Ig限時動態爆Seed，矛頭再次指向Steven，雯雯怒斥對方：「做人窮唔緊要，但如果做人唔爭氣，樣樣嘢都仲要懶，咁就係廢。」
雯雯怨Steven未盡父親責任幫手照顧3個囝囝：「你話你攰唔舒服要瞓覺，Okay，咁我去執嘢，啲仔兩點要去到醫院。只係要求你畀嘢佢哋食，換衫準備好，我返嚟即刻出門，一點半仲瞓喺張床，你要廢要懶無問題，但既然你要生小朋友，可唔可以尊重吓佢哋，唔好因為你嘅問題去影響佢哋。我真係忍唔到幾耐，完全唔理解你呢種人生存為乜。」
