張致恒（Steven）與太太區燕雯（雯雯）結婚3年多，多次爆婚變疑雲，雯雯多次在社交網放負嚷離婚，雙方關係時好時差，而網民對他們婚變消息也習以為常。日前雯雯再在社交網爆Seed，斥Steven又廢又懶。
近日雯雯在Ig限時動態跟網民「你問我答」，有網民問她：「日日喺小朋友面前家嘈屋閉的話，點解唔分開住？對小朋友好啲﹗」雯雯簡單回應：「考慮。」另一網民問她：「其實你一早知唔知你老公係咁嘅人？」她說：「認識同了解一個人都需要相處先知，如果你一開始就知道，就唔會有咁多人分開同離婚。」
有網民再問：「真係冇諗過分開嗎？」雯雯回對方：「有時有啲嘢唔係你想就可以，每一件事都有好多嘢要兼顧。」有網民問她有沒有後悔，若重新揀過是否仍然這樣選擇？她說：「我一樣會咁樣揀，因為當初係認真先會結婚。」
