MIRROR成員呂爵安（Edan）日前獲邀出席法國巴黎時裝周，並與在當地睇騷的填詞人黃偉文（Wyman）喜相逢，2人還相約飯敘，兼且吃飯後甜品蘋果批。Edan昨晚（24日）年初三再在Instagram貼相，他先以Wyman替他填詞的歌曲串連成句子，他寫道：「一表人才嘅小諧星E先生同 @concertyy（黃偉文） 食Apple Pie!!」
Edan表示今次來到巴黎才是他和Wyman第二次見面，以及第一次坐低吃飯，2人首次見面是在前年九展MIRROR的演唱會後台。
Edan坦言今次在外地飯敘相當難得，更笑言似網友見面，他表示首次感受到在外國見到熟人，真的會好開心：「特別睇fashion show嗰陣，個人都即刻定啲。」Edan再次感謝Wyman為他的音樂路上訂立基礎：「真係好高興可以認識到呢位良師益友，期待我哋下次嘅合作！最後要多謝呢餐生日飯同禮物，下次我請！」
