中年好聲音|吳大強獲92分全晚最勁 周吉佩自彈自唱獲加分 (17:25)

文章日期:2023年01月30日

無綫節目《中年好聲音》昨(29日)晚播出的第九集,是第三部曲次回合《影視金曲生死鬥》,20強選手獻唱經典電影或劇集金曲比賽。經過一輪激戰,是集誕生了5位80分選手,分別為顏志恒、林鉫徫、吳大強、周吉佩及羅啟豪,吳偉豪爸爸吳大強更豪取92分,成為該回合最高分。

豪取92分的吳大強獻唱英文老歌《Quando quando quando》,自信十足的他邊唱邊跳,非常享受舞台,張佳添說:「Bill哥哥,一個字,Professional!」周國豐則說:「今日聽第一句,已經有聽CD嘅感覺,唔似係唱live嘅版本,非常之好。」單立文則與吳大強搞笑相認:「你係朱Ling(吳偉豪飾)老竇,我係朱Ling嘅師傅,好慶幸朱Ling喺你教導底下,成為一個大好青年。」

獻唱《沒那麼簡單》的林鉫徫發揮應有水準,奪得80分順利過關,笑言今次終於「對準支咪」的她,獲伍仲衡大讚「唱歌非常之好」,至於分數為何未能更上一層樓,伍仲衡這樣說:「你不嬲都唱得好,我對你真係有特別期望,你今日揀呢首歌好啱你把聲唱,點解唔畀再高分,我略嫌你too technical!」至於獻唱《刻在我心底的名字》的周吉佩則獲得82分,自彈自唱為其增添不少分數,伍仲衡說:「玩樂器加分,彈得好,唱歌都有Story Telling嘅感覺。」

獻唱《獅子山下》的羅金榮則只得63分,一度跌落危險區取代李思林位置,但後來被獻唱《夢中人》取得61分的梁愷庭取代;愷庭除被批似唱K,張佳添更直指愷庭ad lib部分表現不理想。

昨晚最後出場的區俊傑獻唱《明天仍要繼續》,結果因令評判感覺似唱K和欠缺個人特色,只得60分成全晚最低分。即使細分給予14分最高分的張佳添,亦認為區因用聲關係令歌曲唱出來欠共鳴感:「好多時八、九十年代唱k好似唱得好叻嘅人,都會犯一個同樣錯誤,就係唔識用聲,喉嚨未放鬆,所以你把聲好似幾靚。但係唔知爭啲咩,你就係冇chest voice。如果你滲到chest voice出嚟,個共鳴會靚兩倍。」

單立文則打比喻謂:「你係銀行從業員,成日掂住啲銀紙,但啲錢唔係自己嘅,對住人哋啲錢邊有感情?你似用咁嘅心態去唱。喺我嘅音樂世界,感情佔好高嘅分數,你就係因為冇感情同太平。」最終區俊傑被淘汰。

(即時娛樂)