呂爵安（Edan）早前獲邀出席巴黎時裝周，並在當地為品牌影了不少靚相，昨天（30日）Edan在Instagram上載多張照片，他先寫道：「當QQ安穿上QQ衫。」然後又自詡「人肉衣架」：「其實自己平時都比較少著啲Cute同Colourful嘅衫（廢（費）事太Sharp啦），點知又幾啱我著喎。唉，都話我係人肉衣架㗎啦﹗總算冇愧對我中學拎『最佳男模』呢個獎，同埋講個秘密比大家知，我中學係有『QQ男神安』呢個朵㗎﹗所以，又要講多次了，『對不起，我這麼可愛』。#唔好打我 #禾刀吾想禁可愛（我都唔想咁可愛）。」
