無綫劇集《新四十二章》除了陳豪、周嘉洛、龔嘉欣等幾位主角外，也有不少「綠葉」演員助陣，包括「炒股12成員」陳勉良、馬海倫、馮素波、潘芳芳、姚瑩瑩、曾慧雲、蘇麗明、邵卓堯、區靄玲、鄭家生、莫偉文、李崗。
劇中的「炒股12成員」，原來是監製陳維冠向《鹿鼎記》的致敬部分。他說︰「梁朝偉個角色得到好多奇人異士幫忙，所以我哋設計咗12成員去幫江嘉敏完成使命。佢哋每個人都有獨特性格、背景同能力，好似鄭家生本身好打得，又做過武師，所以我哋為佢設計咗一個好打得嘅角色，但要去到後面觀眾先會見到，佢依家成日喺馬海倫身邊係另有原因。」陳維冠希望能將每位綠葉演員的優點及努力展現觀眾眼前：「公司依家有班好好嘅綠葉演員，我哋希望每套劇都可以有足夠發揮嘅空間畀佢哋，等觀眾睇到佢哋嘅演技同記得佢哋。」
為劇集剪掉長髮的江嘉敏，其劇中角色「Mon姐」雖然粗魯和吵鬧，但由於為人精靈、性格善良，得到不少觀眾喜愛，讚她用心演好角色，演技有進步。對於被網民批評「做戲太浮誇」，她表示會好好檢討，又提議不喜歡其短髮造型的網民可看回她的舊照片。
