無綫J2台《鋪鋪Poker》今晚（4日）請來單立文（豹哥）現身，曾在電影《賭俠》中演大奸角「侯賽因」的他，將在節目中重現戲中經典對白。豹哥在電影中與劉德華、周星馳鋪鋪幾百萬上落，他說︰「啲人以為我賭術好叻，其實我好渣同個心好怯，唔夠膽贏錢㗎﹗」
主持之一的郭偉亮（Eric）表示一直想請豹哥做嘉賓︰「佢對音樂嘅熱誠好值得尊重﹗通常做音樂嘅人都好認真，但豹哥好有幽默感。佢拍劇《愛‧回家之開心速遞》同喺《賭俠》演『侯賽因』都好經典，想睇佢同賭枱嘅啤牌再發生關係。」第一鋪牌，豹哥就重現同劉德華對決的場面。當時牌局只剩下豹哥和胡美貽（Nicole），豹哥手上的牌正好跟枱上的啤牌組成「吐啤」。
豹哥坦言向來沒賭運，最多只是打麻將。他笑言敢輸不敢贏，因為不懂處理贏回來的錢。他還自爆有過瘋狂歲月，曾有1、2年每日黃昏時才起牀。豹哥笑說︰「嗰時興Rave Party，日頭瞓，夜晚就去玩。啲腳有LMF、謝霆鋒、何超儀，玩完一個場仲唔夠，玩到最後一個場，磨爛蓆仲周圍問人有冇第二個場。」太太胡蓓蔚不嫌其煩，不斷以「煩音」勸豹哥「唔好咁夜瞓」，豹哥最後聽老婆話。他說︰「同以前啲腳傾起嗰段時光，都好有回憶。」
