電影《飯戲攻心》在「第41屆香港電影金像獎」中共有11項提名，包括「最佳導演」、「最佳編劇」、張繼聰及陳湛文入圍角逐「最佳男配角」、王菀之與林明禎入圍角逐「最佳女配角」、「最佳剪接」、「最佳美術指導」、「最佳原創電影音樂」、「最佳原創電影歌曲」及「新晉導演」。不過，兩位主角黃子華、鄧麗欣卻未有任何個人提名。
《飯戲攻心》導演陳詠燊說︰「好開心，多謝每位投票畀《飯戲攻心》嘅朋友。我睇住直播，每當自己團隊成員得到提名，我都開心到大叫出嚟。有少少遺憾黃子華同鄧麗欣未得到提名，但喺我心目中呢套戲從來都係六為一體，每一個人演得好，都包括咗另外5位嘅靈魂喺入面，所以今次喺我心目中係成個團隊成就咗呢啲認同出嚟，佢哋每一個人得到提名，亦等於另外5位有精神喺入面。」
