英皇歌手洪助昇（Aiden）日前舉行生日會，近百歌迷為他慶祝，他分享出道前後的感受，深情對話一時感觸落激，歌迷卻只顧拍片令他哭笑不得。
Aiden說:「我記得有朋友由《造星》開始一路陪住我，有啲喺三年前已參與，好開心現在見番佢哋，或者一啲新嚟嘅朋友仔。正式出道前，我一直堅持落去嘅原因係，我同自己講：『仲有一班人喺度等緊我。』」他突然感觸落淚，fans隨即遞上紙巾。Aiden續說：「我記得出道嘅時候，在旺角都見到你哋，我覺得好幸福，我同自己講：『我一定！一定！我要一首歌比一首歌唱得好！我要帶你哋去更加大嘅舞台！』好多謝你哋呢段時間畀我嘅力量，未來我會更加努力！更加爭氣！希望會令你哋覺得呢一切係值得。」場面感動但他抬頭時見全場fans在「努力」拍片，忍不住說：「你哋太專心拍片啦，人哋講到咁熱淚盈眶，你哋都冇反應！哈哈！」
