張致恒（Steven）與老婆區燕雯（雯雯）2019年結婚，育有3子。兩公婆關係時好時壞，幾年間屢傳婚變，昨天（13日）雯雯在社交平台跟網民互動玩「Let's talk」，有網民問她：「點解分咁多次都會一齊番嘅？」
雯雯回答對方：「由頭到尾都未正式分開，我一直都係話我單方面計劃緊，但係計劃之中，一定要係對小朋友最好先能夠實行，所有嘢我都安排緊計劃緊，一個家庭有小朋友唔係自己想點，就可以即刻實行到，𠵱家每日大家都好努力，做好爸爸媽媽呢個角色。」
有網民再問：「你同老公關係好返嗎？」她回應：「其實都冇話有冇好唔好，大家每日角色都係爸爸媽媽，好多嘢唔係單方面，需要睇吓有冇心改變。」
另外有網民讚她3個囝囝都好靚仔，她多謝網民讚賞，有網民指大仔可以做童星，雯雯便說：「有人搵佢，可以試下﹗」
