由毛舜筠、鄭中基、呂爵安（Edan）、黃又南、余香凝（Jennifer）、楊偉倫、柳應廷（Jer）等演出的黑色喜劇《死屍死時四十四》，今天（14日）再有一款意念海報曝光，海報中有疑似「死屍」被穿上色彩斑斕的衣服，呼應著片名Logo上的點點水墨，加上牆上的「一場鹹魚遊戲」，玩味十足。
電影故事牽涉大廈內多個住戶，其中有由毛舜筠、黃又南、Jennifer、楊偉倫及劉映汝主演，每天吵鬧的杜家。其中一場戲，講述因疫情失業的前空姐Jennifer，本想藉著母親毛舜筠替她湊女兒返學校，趁機穿起空姐制服加上黑絲襪，與老公黃又南享受甜蜜二人世界，怎料毛姐與囡囡二人突然提早回家，令到二人世界落空，Jennifer與又南難掩失望。
Jennifer講述拍攝這場戲時的心情：「拍嗰陣冇尷尬，因為唔係一場認真情慾戲，有嘅反而係壓力，因為全部演員圍讀時，都知呢場戲係成套戲開始，連毛姐都講笑話，整套戲氣氛靠我地喇，最後都演繹到好唔同嘅一面畀大家睇。」她又笑指現實中，也曾被囡囡打斷溫馨時光：「梗係唔緊要啦，囡囡對我哋嘅愛係甜蜜嘅。」
又南表示拍這場戲時非常尷尬，他說：「我一向大汗，拍攝時又要上半身除哂衫，唯有不斷向 Jennifer講唔好意思。」
