林盛斌（Bob）日前出席中學師生聚會，再見讀書時視為女神的老師後，再跟5歲孻仔道申（Jaye）享受父子間的浪漫。
阿Bob今日在社交平台分享與兒子在公園內開餐的照片，透露太太黃乙頤（Pearl）帶了二女、三女去澳門參與舞蹈表演，大女約了朋友晚餐，剩下他和孻仔撐枱腳。他問Jaye晚餐想吃什麼，豈料Jaye說︰「我想喺街邊食嘢，因為可以睇到啲人同埋啲車吖嘛！」阿Bob遂提議︰「咁不如再頹廢啲啦！」Jaye回答︰「好呀，我最鍾意就係頹廢。」阿Bob於是帶Jaye去佐敦買了兩盒外賣，然後走進上海街與寧波街的公園仔開餐。阿Bob說︰「一邊聽住隔籬枱嗰個阿叔播緊李龍基嘅歌，一邊食我個黑椒雞扒腸仔飯炒底同佢個腸蛋麵。唔係講笑，成件事，真係好浪漫。」
好友謝安琪留言︰「真係好浪漫﹗」許俊豪亦說︰「成件事簡單，但好幸福。」
