余德丞在有份主持的ViuTV綜藝節目《粉紅麻甩101》，有很多犧牲及挑戰，包括人生首次Gel甲﹑跳芭蕾舞﹑穿誇張服飾及吃奇怪牛內臟等，他笑言今次放低包袱。昨天（25日）余德丞在社交網貼了不少相片，其中有做瑜伽動作的照片，他寫道：「迷之角度 #下星期好似仲瘋狂 #豁出去漫遊不通知親友。」
另外，對於在節目中要跳芭蕾舞，余德丞坦言：「有冇學過跳舞？從來沒有，我都唔係特別想學芭蕾舞，因為覺得好女仔咁。」他還練習轉圈及跳躍動作，又要跟一位女舞蹈員練習動作，不過余德丞表現尷尬，他說：「以往同女仔跳舞我都試過好多次，但呢個係芭蕾舞雙人舞，我更加擔心，始終有身體接觸，大家又唔熟，都係比較尷尬為主。」
由於余德丞不諳芭蕾舞，練習時被指「硬手」，他說：「本身學跳舞呢個過程，人哋學一日，我要學十日，但呢個（芭蕾舞）我直頭連跳都跳唔到，所以你見我全部舞步都甩晒。我唔係想放棄，唔係唔用心學，我已經放棄唔理隻手，我剩係做好腳嘅動作，但係都跟唔到。」
