廉政狙擊|陳楨怡拍被虐場面 遭吊高1小時考平衡力 (18:32)

文章日期:2023年02月28日

無綫劇集《廉政狙擊》昨晚(27日)一集講述王浩信飾演的韋Sir帶領O記手下潛伏雍華盛薈閉幕禮派對,調查酒店賣淫案。韋Sir受線人臨終前所託照顧的女兒莊慕雪(陳楨怡飾)亦因信錯人捲入其中。當雪雪得悉自己身陷險境,即向韋sir發短訊求救。大為緊張的韋sir根據手下提供線索鎖定目標酒店,但卻遲遲未能尋獲雪雪。千鈞一髮之際,韋Sir靠門縫下的光源尋獲雪雪,可惜雪雪已慘遭狼爪,因留有陰影情緒失控崩潰。至於虐待雪雪的卓日升(高鈞賢飾)則因有人通風報信,提前離開了案發現場。

陳楨怡談及戲中被高鈞賢虐待一幕,表示拍攝過程十分專業,劇組更找來捆綁專家在現場輔助拍攝。她說︰「每個結喺邊個位都好講究,我個姿勢係對手綁喺後面然後要單腳企,再成個人凌空吊喺支架上面,頭髮都要綁埋,而且身上面啲繩為好緊,所以全身同個頭郁唔到,只能間中Hold住落地面休息,綁完皮膚有好深嘅麻繩印。導演好好,每隔15分鐘都會問我O唔Ok。」被凌空吊了一小時的陳楨怡,又指拍攝最考驗是平衡力:「因為雙手被綁住咗,又要離地吊起,重心好易向前傾,好易扯到啲頭髮。」

高鈞賢稱其飾演的二世祖雖然人衰性格有缺憾,但其實單純易受騙,渴望得到父親認同。他表示看到劇本上那場虐待戲時有點不知所措︰「但接咗角色就要完全投入,事前會同對手做溝通。嗰晚陳楨怡好辛苦,因為綁住咗成晚,又要通宵咁拍。」對於角色在內地被封「傻白甜」,高鈞賢笑言:「我都有設計過啲造型,希望靚仔啲,始終香港先生嚟,哈哈。」

(即時娛樂)