陳展鵬（煎Pan）在無綫新劇《隱形戰隊》飾演奸角，他透露最開心是相隔12年後，以「身分互換」形式再與好友馬國明合作：「我好記得我喺無綫第一套做男主角嘅劇係《真相》，當年馬國明喺最尾嗰幾集做反派，我同佢都friend，會一齊踢波，當年好多謝佢支持我客串做反派，嗰時我已經講，希望將來有套劇馬明做主角時，我又可以做番反派，客串又好主位又好，呢個係我其中一個喺TVB最大心願。」
談到相隔多年再演奸角，煎Pan最希望觀眾能期待和覺得有新鮮感：「咁多年冇做過反派，我一路以嚟最希望就係畀到觀眾新鮮感，所以做咩角色都冇所謂，反派、小角色、客串或反串都好，最緊要觀眾覺得陳展鵬有新鮮感，因為我哋一年裏面可能出幾套劇。」
根據官方連日來釋出的宣傳片，飾演擅長迷惑人心的康勝天（煎Pan飾），舉手投足及眼神滿是氣場，就連對白都相當有霸氣：「我康勝天，最鍾意就係啲無可能嘅嘢變成事實。」
