唱作歌手黃劍文養了逾20年的愛貓Tripper，因腎病於上周五離世，昨天（2.28）黃劍文為Tripper舉行「畢業禮」，出席者包括黃劍文經理人以及同屬愛貓之人周慧敏等。黃劍文感激生命中能遇到Tripper：「就像我的專屬天使，經常安安靜靜的陪伴我，好多個通宵瞓梳化睇電視、煲劇、閱讀、睇書...你都在陪伴我，當我喺低谷唔開心嘅時候，你為我打氣，幾年嚟你最愛睡在我的手臂，我已經成為咗習慣，瞓覺嘅時候你會望住我，守護住我瞓覺，好多個早上起身，見到嘅就係你。」
黃劍文讚Tripper又乖又叻又堅強：「你讓我看見美麗嘅生命，你嘅堅強教我堅強，你同snubs相依為命多年，我會代你愛錫同好好照顧snubs，我哋暫時分開，喺天國再見啦﹗多謝你帶比我好多好多好多美好嘅回憶。」
