陳柏宇（Jason）和太太符曉薇（Leanne）於2017年結婚，婚後育有囡囡Abigail（陳羿辰），去年10月Leanne宣布再度懷孕，今天（10日）她在社交網公布喜訊，宣布Audrey平安出世，並貼出一家四口溫馨照，十分幸福，Leanne寫道：「Welcome Audrey，都係等唔到21號。」
再為人父的Jason抱住細女時，表情冧到爆，Leanne還爆Jason變喊包：「其實我老公喊，已經唔係新聞，大家都好清楚，佢係水做嘅男人，不過只係有時唔明喊嘅點係咩？我問佢試當真點解要喊？佢話好熱血，點解佢可以咁可愛？成40歲人。」
