唐劍康（當奴）和練美娟（娟姐）主持的ViuTV節目《晚吹-讓我一次買個夠》，下周一（20日）播出的一集請來阮小儀（小儀）擔任嘉賓。當奴自爆當年曾承諾如無拖拍會娶小儀，他笑言全因當時小儀是電台裏最早買樓的人，所以要先泊定個好碼頭。他說︰「因為佢係儲好多錢，仲早過少爺占（甄子康）買樓，所以我就諗娶佢都正，可以有層樓。」小儀聞言自爆當年同一時間其實亦和「好碼頭」余迪偉開盤：「因為佢有加拿大籍，所以我同佢講如果第日無人要嘅話，可唔可以嫁畀佢。」
談到最瘋狂的一次購物經歷，小儀指曾試過在拍攝節目放飯途中購買了一部汽車。她當時適逢某品牌有指定車輛折扣，再加上購物慾旺盛，於是在午飯期間與金剛（李信樵）和導演一起去看車。小儀說試坐車輛時有問金剛意見︰「我話金剛你咁肥大，坐得舒唔舒服？金剛話有少少頂但係OK，咁跟住我就買咗。」
