毛舜筠、鄭中基、呂爵安（Edan）、柳應廷（Jer）、黃又南、余香凝、楊偉倫及麥沛東等合演的電影《死屍死時四十四》，成為《第18屆大阪亞洲電影節》開幕電影，黃又南與導演何爵天昨晚出席在大阪舉行的世界首映，與當地影迷見面。
導演何爵天表示︰「好高興可以成為大阪亞洲電影節開幕電影，亦都好高興《死屍死時四十四》可以成為電影節開幕電影同日本觀眾見面。我都係第一次同觀眾一齊睇呢一套戲，大家反應比我想像中熱烈。有一啲笑位，我以為係香港觀眾先會明白，但係原來日本觀眾都好鍾意，呢個係我完全估唔到，同埋真係笑足全場，我同又南非常開心。」
又南完場後獲不少觀眾索取簽名及邀請合照，他說︰「現場氣氛好好，觀眾好熱情。睇完戲有好多觀眾搵我同導演合照同簽名，有觀眾仲拎我第一套演出電影嘅碟畀我簽，又叫我哋多啲去日本，好開心。」
