鄭秀文（Sammi）2023年第一首派台作品《愛是...2.0（feat.好青年荼毒室）》推出後，反應熱烈。MV遠赴法國取景，Sammi以多款華麗造型穿梭巴黎。她在一間超過200年歷史的古老建築物內取景時，見精緻的天花設計和紅色的佈置，濃濃懷舊氣色，開心得在舞池中不停轉。她說：「今次可以在法國巴黎拍MV，好似發緊夢咁，無諗過可以完成呢件事，《愛是...2.0》係我好鍾意好鍾意嘅新歌，亦係今年第一首派台歌。呢首歌嘅風格好有型，希望大家鍾意。」
翌日，Sammi天未光就起牀，開始一天拍攝工作。第一站是電影《INCEPTION》（《潛行凶間》）內都有出現過的比爾阿克姆橋（Pont de Bir-Hakeim），在橋上可以見到巴黎鐵塔，是打卡熱點。Sammi穿上藍色長裙，背部設計盡顯線條，配合長長拖尾，非常華麗和有型。鏡頭外，她穿上厚厚的羽絨大褸和抱住暖水袋，凍到牙關打震。雖然如此，她仍難掩興奮：「今日嚟到大家好熟悉嘅旅遊景點，好多戲都喺呢度拍，例如《INCEPTION》，仲見到巴黎鐵塔添！雖然大家見到我著到好靚，但其實我凍到不得了，巴黎嘅早上好凍，黐咗一身暖包。今日要走好多場地，要換好多靚衫拍MV，團隊繼續努力！」Sammi之後繼續行程，到古著店、火車站、餐廳和街頭拍攝，彷如一個時尚旅遊特輯。
