無綫劇集《隱形戰隊》上周再有新個案，兩名恐怖分子巴翼（廖家爵飾）及馬雷（李偉霆飾）一出場便連環殺人，甚至當街當巷下手。Shadow（劉佩玥飾）、 Cool Sir（陳山聰飾）一家及寶寶（唐詩詠飾）今個星期將陷入極大危機。無綫官方社交網發放兩條預告片，其中一條是Shadow險遭強暴的加長版宣傳片段，以剝洋蔥式手法逐步讓觀眾接近真相。
明晚（20日）第11集將講述Shadow與辛Sir（吳家樂飾）為追查恐怖分子巴翼及馬雷，分別喬裝成一樓一鳳及唐樓住客接近恐怖分子進行調查，Shadow因惹火打扮惹禍。身穿V領性感絲質睡衣的Shadow風騷返回單位，準備關門之際，巴翼強行登門造訪表示要幫襯。慌張的Shadow為力保身份免穿煲，以月事作借口企圖脫身，惟仍被巴翼拋上牀，情况危急。
劉佩玥透露拍攝時有一定難度︰「個廠真係好凍，同埋張牀唔係牀嚟，係一嚿好硬嘅嘢上面有啲被鋪。我同我對手廖家爵對戲時，佢好緊張，驚整親我。我覺得呢類戲最緊要演員之間有溝通同信任，我哋最後都好順利完成。」
