身在日本拍攝電影《盜月者》的呂爵安（Edan），昨天在社交網上載他和盧瀚霆在便利店與日版《大叔的愛》KK吉田鋼太郎海報合照的相片，有網民留言︰「得閒就學吓戲練吓歌，唔好浪費時間喺度炒CP啦，次次炒登神神教同爵Group都嘈，你自己group mma冇所謂，唔好影響人哋先得㗎。」Edan親自回覆：「得閒就睇吓書同屋企人朋友傾吓計，唔好浪費時間喺度話人炒CP啦，次次我po同佢嘅嘢都話炒CP，我係咪唔同得我朋友合照啊，你同你朋友去旅行會唔會po相啊，你自己諗多冇所謂，唔好意圖扭曲我做嘅嘢同控制我po乜得㗎。」Edan昨晚在社交平台開直播，將一個「莫生氣」的Filter放在頭上，嚴正澄清未有為事件生氣。
