Nat@Strayz首推個人單曲 冒寒拍MV 唱出勇闖樂壇決心 (17:16)

文章日期:2023年03月22日

Strayz成員之一的榛綦(Nat),今年推出處女單曲《Time To Fly》 ,以個人姿態跟樂迷見面。歌曲以自身經歷出發,講出勇闖樂壇決心,為了製作高質素MV,Nat不惜冒寒,以單薄歌衫在大帽山上拍攝。

Nat本身喜歡蝴蝶,首支個人單曲借蝴蝶蛻變歷程,她說:「作為一個素人 ,一開始參加《全民造星IV》,冇諗過入到20強,再組成Strayz。呢個追夢過程唔簡單,同時亦係我嘅成長,我將自己成長心路歷程,放喺呢首歌話畀大家知。」Nat特別喜歡歌名,因為起到鼓勵作用,她說:「歌曲講到我終於要踏出Comfort Zone﹑要飛喇,闖出去探索呢個世界,對我嚟講好有動力嘅一句說話。」

為了貫穿蝴蝶主題,MV中服飾特別加入蝴蝶元素,她說:「我朋友好叻編織,其中有件蝴蝶上衣好Iconic,我就問佢可唔可以幫我整件蝴蝶衫,多謝佢一口答應,落手落腳夤夜趕畀我。」而蝴蝶要在空中飛翔,製作團隊在黃昏時分,帶Nat到大帽山上拍攝,現場大風又凍,Nat與4位Dancers穿得單薄,吹到大家打冷震,她說:「Art Team亦超級快喺現場搭咗個Props(道具),啲風狂吹好驚會跌,所以勁難忘,不過好感恩,大家咁落力,冒住咁凍環境都做得咁好!」

首次推出個人作品,沒有Strayz隊友在旁,Nat表示掛住隊友:「我喺Strayz唔屬於音樂製作部門,本身係VAL同CK負責,今次做歌自己親自同監製見面,解釋理念想法,所有嘢要落力去做,本身冇呢個經驗,過程中好掛住隊員,因為當自己冇呢個經驗,好迷失嘅時候,諗起有隊員嘅互相支持Support係好窩心重要。」

(即時娛樂) 

 

相關字詞﹕榛綦