ViuTV原創劇《和解在後》今晚（27日）9點半首播，劇集講述一眾調解員，在處理不同案件背後的因果同時，各人從中面臨抉擇和成長的故事。
首次拍劇的COLLAR成員蘇雅琳（Ivy So）大讚劇組台前幕後都溫柔善良，開玩笑指這裏宛如「養豬場」，她笑說：「比如我去美術部、機燈組、梳化服，佢哋都會係咁餵我食嘢，不斷供養我，咁樣每日一啖，就唔小心養肥咗，監製講笑話我中間有段時間肥到唔連戲。」Ivy更笑指因為常被趙善恆（恆仔）取笑對零食毫無抵抗力，拍攝期間每日都有固定禁食時間和頻密做運動，以保持狀態。
恆仔對首次拍劇的Ivy表現讚不絕口：「由第一日好緊張去到𠵱家好從容處理拍攝，佢嘅進步係十分驚人，同埋睇得出佢非常勤力，做咗好多功課，每一頁劇本都寫咗好多Notes，所以由一開始，已經可以將角色拿捏得好好。」Ivy聞言即謙稱不敢當，坦言自己仍有進步空間。
今次在劇中驚喜現身的尹光笑言，除了拍劇之外，有機會的話亦想和恆仔在音樂上合作：「導演肯同我拍檔一齊Rap下，係我光榮。最好搵我一齊Jam下歌。」
