陳展鵬和單文柔的女兒「小豬比」日前4歲生日，過去3年因疫情關係，兩公婆未能跟囡囡大搞生日派對，今年終於可以成事，單文柔和展鵬在社交平台貼出日前幫囡囡慶祝生日的片段，出席者還包括陳敏之﹑陳凱琳和楊潮凱等，同場還有不少小朋友，「小豬比」跟小男生玩得開心，兼且兩小無猜拖手仔，單文柔搞笑留言：「Quinta自由成長，但唔知長大後，拖其他男仔，Papa Chan（陳展鵬）會唔會有酸溜溜嘅心情？Mama Chan（單文柔） 抱住食花生嘅觀望態度。」
陳展鵬亦在Ig貼出多張跟囡囡慶祝生日照片：「眨吓眼已經四歲，今年係小豬比第一年開生日party，佢期待咗好耐，生日之前有啲小插曲，病了幾日，好彩最後都可以順利舉行! YEAH!好多謝咁多位朋友黎Quinta生日party!希望每一位小朋友都身體健康，學業進步。」
