謝高晉明天（29日）30歲生日，他特意到好友龐景峰（Andrew）即將開張的「新道館」，做一日特技人接受訓練，體驗吊威也扮超人飛，非常新穎。
謝高晉與一班特技學生受訓，體驗做特技人滋味，Andrew親自落場教導，讓學生們體驗吊威也感覺。期間Andrew與一班學生為「壽星仔」謝高晉送上驚喜，讓他飛住吹生日蛋糕蠟燭。
Andrew手捧蛋糕親自度位，試位一次就成功讓謝高晉吹熄蠟燭，而一班特技學生則在旁大唱生日歌，非常熱鬧。謝高晉甚有天分，每個動作都學一次就識，甚有功架。
謝高晉事後坦言感開心：「從來無想過可以吊住威也吹蠟燭，的確非常有心思。」他表示年年生日都好悶：「今年唔想再唱K同人迫，趁生日打搞Andrew，試做一日特技人，玩下新嘢。」
第一次體驗吊威吔的謝高晉非常有天分，學一次就做到動作，他直呼好好玩：「的確好好玩，刺激、新穎。以前拍戲嘅時候經歷過爆破、出手打，而吊威也之前在內地見人咁做，但今次親身感受到，原來要做好多安全措施，做特技要安全第一。」
