湯洛雯年底跟馬國明東南亞搞婚禮 婚後設「禁咀令」? (15:09)

文章日期:2023年04月03日

「準馬太」湯洛雯(靚湯)今天(3日)到大埔出席復活節活動,人逢喜事精神爽的靚湯,全程甜笑掛臉,拿着兔公仔影相時被司儀取笑以為她只喜歡馬的公仔,靚湯甜笑說:「兩樣都鍾意。」並稱已開始籌備婚禮,但心情還是懵下懵下,身邊朋友比她更緊張,未婚夫馬國明忙於拍劇,她會給ABC餐對方揀,但對方通常都交給她決定,靚湯透露婚禮將於年底在外地舉行。

靚湯受訪時表示婚期已有初步定案,但未必想公開,應該會在外地舉行小型婚禮。問到婚禮籌備情况?靚湯直言完全不懂,進度只是10%至15%,未必找婚禮統籌,會自己設計又有贊助幫手,希望一切順利,她說:「應該年底,因我哋怕熱,若到時行禮大汗疊細汗,真係火都嚟。」

至於婚禮地點,靚湯表示會選東南亞地方,早前與好友去日本旅行,是否順道看場地?靚湯保持神秘,笑言不告訴大家,不想好像男友吃了誠實豆沙包一樣,連2人情話都公諸於世,不過率直是他優點,她說:「佢有冇向我講大話?瞞著我送生日禮物嗰啲囉,其實我哋都知大家電話密碼,又會幫對方聽電話。」

馬國明自爆每次她更新社交網都要秒覆,否則會被她問為何不覆。靚湯笑指對方幻想太多,她說:「因我以前一發帖佢就留言,所以佢想保持水準,有時佢留言我都唔知,但幾Sweet。」

馬國明在《隱形戰隊》與唐詩詠激吻戲,靚湯表示看過預告片,覺得很搞笑,她說:「我同佢咁熟,諗到佢拍攝時一定好蝦碌,而且佢拍呢類戲好驚,擔心會掂錯地方,我反而冇乜嘢,佢新劇都有咀戲。(馬國明笑你打爛屋企電視機?)冇,唔好將我講成潑婦咁,但我哋又唔會特別研究惜戲。(現實是否很順利?)OK嘅。」婚後是否約法三章設「禁咀令」?靚湯表示沒有,電視尺度都有限:「我覺得佢嘅限度係惜OK,但摸就唔好。」

(即時娛樂)