ViuTV原創劇《極度俏郎君》下周一（17日）首播，故事講述一名過氣江湖大佬重回正軌做好人。
相識多年的姜皓文、宣萱及張慧儀首次正式合作拍劇，十分期待可以在劇中互相鬥戲。今次亦是ERROR 4子首次一同拍劇，他們對4子讚口不絕，宣萱更大爆：「ERROR係我接拍嘅其中一個原因，因為睇佢哋節目覺得好有活力、好開心，帶到好多歡樂畀大家。希望可以畀到啲新嘅嘢出嚟，同佢哋合作都有少少驚自己招架不住，因為佢哋轉數快，我忍笑能力又低。」姜皓文稱與ERROR合作獲益良多，學會年青人的想法。他說︰「同佢哋合作開心都嚟唔切！我唔使教佢哋，淨係睇住佢哋就學到嘢！」
ERROR首次全員拍劇，4子均表示感覺新鮮：「其實我哋從來冇一齊拍劇，之前雖然試過同劇但其實冇同場遇到過，淨係一齊做過次電影茄哩啡，所以今次都好新鮮！」他們被問到一齊開工可有被其他演員投訴很嘈，阿Dee（何啟華）笑言︰「大家決定做自己，我發現只要專心做番自己，Keep住咁嘈，其他人就唔會理我哋，所以為免影響其他人，我哋要繼續嘈！」
