許冠文（Michael）今年憑《風再起時》入圍最佳男配角，Michael一身輕便遊客造型亮相，他身穿西裝配粉紅色帽現身，他說：「今年好開心，咁靚海景及咁靚香港，呢個獎又特別，我一世人都未試過做唔搞笑角色，好意外。（有沒有信心？）冇呀﹗翁子光導演搵我拍時，我話呢個（角色）唔係搞笑，佢話你試下你得㗎，起初我推咗，後來發覺又唔捨得，《風再起時》講香港情懷浪漫，我同老婆講試唔試，佢話應該試下新嘢，我話10分鐘講英文，咁就試下。（練了很久英文？）唔成問題，但鏡頭好長，未試過，幾刺激，我完全冇把握，但盡量試下。」
